A Garda Civil imputou por un suposto delito contra a seguridade viaria a un veciño de Foz de 21 anos de idade que non tiña carné de conducir en vigor e intentou fuxirse, con varias manobras temerarias para fuxir, cando os axentes lle deron o alto.
Segundo informou a Benemérita, os feitos ocorreron o pasado mes de setembro nas rúas da localidade de Foz, na Mariña de Lugo, cando unha patrulla da Garda Civil decatouse de que un condutor circulaba a unha velocidade demasiado elevada polo centro urbano.
Cando lle deron o alto, no canto de pararse, fixo caso omiso das indicacións dos axentes e deuse á fuga
Na súa fuxida, saltouse varios sinais de STOP, pero foi finalmente interceptado e identificado na Avenida Concello de Sarria.
OUTRAS INFRACCIÓNS. A Garda Civil tamén imputou a un veciño de Pantón, de 48 anos, e a outro de Chantada, de 42, por conducir sen carné polas estradas N-540 e LU-617, respectivamente. Tamén imputa como investigados por delitos contra a seguridade viaria a outros tres condutores, de 32, 37 e 47 anos de idade, por conducir baixo a influencia de bebidas alcohólicas por estradas de Guntín, Pantón e Cervo.
