Os Pesacados Rubén FSF tirou de caste e orgullo para remontar dúas veces un marcador adverso e vencer por 4-2 a un bo Zaragoza na xornada de Primeira División feminina de fútbol sala.
As xogadoras do equipo de Burela, con cinco baixas, víronse a remolque desde o minuto 3 e incluso Julio Delgado pediu un tempo morto ante o desconcerto xerado por un temperán gol visitante.
Peque e Cilene probaron a Suzan, que respondeu a ambas, pero tamén o Zaragoza puido marcar nunha contra que sacou Cristina Pérez baixo paus. A agresividade defensiva do cadro zaragozano pagou o seu prezo ao colocarse con cinco faltas a falta de máis de 8 minutos por xogar.
O tramo final da primeira metade foi un monólogo do equipo laranxa, que arrincou co tanto do empate, obra de Bea Mateos, nunha xogada a balón parado. As mariñás puxeron cerco á portería de Suzan e Peque estrelou o balón no pau, mentres que Jenny Rodrigues dispuxo de dúas opcións, unha delas nun dobre penalti que non foi capaz de definir fronte a Suzan.
SEGUNDO TEMPO. O cadro burelense tardou en porse as pilas no segundo tempo, que comezou con titubeos. Tras uns compases iniciais sen demasiado brillo, Cristina Pérez tratou de combinar con Ale de Paz, que non chegou.
O Zaragoza volveu colocarse moi pronto con cinco faltas (minuto 7), pero reaccionou con gran- Bea Mateos, que marcou dous goles, presiona a unha xogadora maña. prbfs Fútbol sala deza pondo o segundo gol por medio de Rafinha un minuto despois.
Outra vez puxéronse a remar as burelenses, que avisaron cun disparo de Luci antes de que Cilene tombase a resistencia de Suzan cun potente lanzamento cruzado que atopou a rede.
Esta vez a remontada non foi incompleta. Bea Mateos erixiuse en protagonista ao consumar o seu dobrete e puxo por diante ao seu equipo por vez primeira. Tras un remate fuer de Peque, o Zaragoza apostou por Rafinha como porteira-xogadora, pero o cadro burelense controlou ben a situación e incluso dispuxo dun dobre penalti para aumentar a diferenza, pero Jenny Rodrigues volveu estrelarse con Suzan.
A que non fallou foi Ale de Paz, que anotou o gol da tranqauilidad nos compases finais tras unha asistencia de Peque.
