Os arrastreiros franceses con base en Lorient, o Marie Lou e o Menawenn, que o domingo pola tarde arribaron ao porto de Burela tras un control efectuado por inspectores comunitarios, quedaron xa en liberdade para poder partir en calquera momento tras depositar a fianza esixida.
Os inspectores abríronlles un expediente de infracción con sanción administrativa por non facilitar a subida a bordo. Descoñécese se non tiñan a pertinente escala ou simplemente negaron o acceso, aínda que os inspectores subiron e acompañáronos ao porto de Burela, o máis próximo naquel momento, pois o barco estaba co aparello largado a unhas 12 millas do peirao. Tras uns dous días de retención as embarcacións xa poden partir.
O moderno Marie Lou, de 22 metros, proa recta e botado en marzo de leste mesmo ano seguía estivo atracado xunto co Menaween, máis antigo, ambos por proa da María de Maeztu, barco de Salvamento Marítimo.
