O litoral da Mariña e parte do da Coruña afrontan de novo este martes un aviso de nivel laranxa por ondas de entre cinco e seis metros de altura, que será amarelo nas Rías Baixas. Atendendo ao boletín con alertas publicado por Meteogalicia, a orixe está nun centro de baixas presións situado ao noroeste de Galicia.
Así, entre as 3.00 e as 9.00 horas o aviso será amarelo na Mariña, Costa da Morte e o noroeste do litoral coruñés por ondas de catro a cinco metros, tras o que pasará a laranxa por mar de fondo do noroeste con ondas de cinco a seis. Mentres, nas Rías Baixas o aviso amarelo activarase desde as 12.00 horas por ondas de catro a cinco metros.
Prolóngase así a inestabilidade pola que na xornada do pasado domingo se decretou unha alerta laranxa no mar, que se resolveu cun ondada duns tres metros pero non tivo maiores consecuencias.