O técnico burelense Javier Pardeiro Casabella regresa aos Pescados Rubén Burela FS para dirixir ao equipo xuvenil masculino de División de Honra. O seu técnico axudante será Francisco García, Pancho.
Ambos os técnicos reuníronse no pavillón de Vista Alegre co director da base, Alfonso Mera, e o coordinador da Esceual, Christian Fustes, para pechar os últimos detalles organizativos de cara ao comezo da pretemporada.
Pardeiro, que adestrou catro tempadas ao Xove FS na súa última etapa como técnico, cumpre agora a súa terceira etapa no club, tras dirixir en Prata durante oito anos ao equipo masculino e, máis tarde, ao feminino, entre 2009 e 2013, onde alcanzou o dobrete histórico de Liga e Copa de España.
O inicio da competición será o 17 de outubro en casa ante o Santiago Futsal. Desde o club solicitan que se algún mozo nacido entre 2002 e 2004 está interesado en pertencer ao equipo pode porse en contacto co club a través do correo electrónico [email protected] ou chamando ao 670.32.18.57.