O Cupón Fin de Semana da Once deixou en Lugo un Sueldazo de 2.000 euros ao mes durante 10 anos, no sorteo do pasado domingo, 23 de febreiro.
A vendedora da Once María Pérez Canoura foi quen vendeu o cupón agraciado co Sueldazo de 2.000 euros ao mes durante 10 anos, "levando a ilusión da Once a Lugo, con este premio pertencente aos números adicionais, que vendeu na súa ruta de venda en Xove e Burela", destacou a entidade nun comunicado.
Ademais, en Ferrol, este sorteo repartiu 80.000 euros en catro cupóns premiados, de mans do vendedor da Once José Manuel Carro Sánchez, na súa área de venda no Barrio de Esteiro. O cupón do 23 de febreiro estivo dedicado ao Entroido de Vilanova i A Geltrú (Barcelona).
