miércoles. 30.09.2020 |
El tiempo
miércoles. 30.09.2020
El tiempo

A ocupación hostaleira da Mariña non alcanza o 25% en xullo

Praia de Area (A Mariña). ARQUIVO
Praia de Area (A Mariña). ARQUIVO
Mentres a comarca costeira rexistra unhas cifras inusuais, as zonas de interior experimentan un xullo cunha taxa de ocupación máis elevada que en anos anteriores

A Asociación Provincial de Empresarios de Hostalería e Turismo de Lugo (Apehl) fixo públicos os datos de ocupación hostaleira na provincia durante o mes de xullo, na que se alcanzou unha media dun 50,9 % de ocupación no conxunto da provincia e un "rechamante" 24,9% nunha comarca turística como é A Mariña.

As zonas de A Ribeira Sacra e de A Montaña foron as áreas da provincia con máis visitantes, cunha media do 75% e do 70% de ocupación, respectivamente. Pola súa banda, Lugo Centro logrou o 42,7% e A Terra Chá roldou o 42 %.

Segundo a Apehl, a actual situación sanitaria provocou que a hostalería xogue cunha gran incerteza, pois "moitos usuarios realizan reservas hoxe e anulan mañá". Así mesmo, lamentan que o turismo internacional sexa mínimo, dado que se conta cos dedos das mans".

Por contra, os hostaleiros das zonas de interior e montaña si que notan "un mes de xullo mellor que outros anos".

No relativo ás previsións de ocupación por zonas para o mes de agosto mantéñense actualmente nun 55% para A Mariña, 35% para Lugo Centro, 85% para A Montaña, 30% para A Terra Chá e 85% para A Ribeira Sacra.

A ocupación hostaleira da Mariña non alcanza o 25% en xullo
comentarios