O Sergas subliñou que "nunca se cubriu" a praza de pediatra en Barreiros durante as súas vacacións e garantiu a asistencia por parte dos médicos de familia.
"Os mozos están perfectamente atendidos cos médicos de familia, que están totalmente capacitados para atender aos menores de 14 anos", explicou tras a petición de cobertura da praza por parte da alcaldesa de Barreiros, a nacionalista Ana Hermida.
O centro de saúde de Barreiros ten unha dotación de tres médicos de familia e dun pediatra, "todos eles con cotas por baixo da media", subliñou o Sergas, que engade que no verán, debido ao aumento da poboación vacacional, increméntase a dotación co reforzo dun médico de familia a media xornada –medio día en Barreiros e medio en Ribadeo–.
En todo caso, o Sergas incide que, en caso de haber algunha urxencia, "a atención pediátrica estaría reforzada polos pediatras dos concellos limítrofes e tamén polo servizo de Pediatría do Hospital da Costa".
A Administración sanitaria galega recorda que "a escaseza de pediatras é un problema común en toda España" e "existen dificultades na contratación" destes profesionais substitutos "xa que non hai profesionais en paro nesta especialidade".
