Os bañistas da praia de Coto-Valea, en Benquerencia (Barreiros), quéixanse do estado en que se atopan os accesos ao areal. "A falta de tres chanzos desde o inverno dificulta a entrada e saída de persoas, e ademais pode ocasionar un lamentable accidente en calquera momento". Ese acceso serve tamén aos usuarios do cámping próximo e é moi utilizado nesta época.
Vecinos e visitantes consideran "vergoñoso" que o Concello faga caso omiso a esta demanda que ao parecer os bañistas xa comunicaron ao socorrista que atende o areal, pero engaden que a situación de "abandono" continúa sen liquidarse en plena tempada estival, cando maior afluencia rexistran a praia.
