A néboa mantén pechada a A-8 no Fiouco desde a tarde deste martes

Imagen de archivo de una carretera luguesa cubierta por la niebla. EP
photo_camera Néboa no alto do Fiouco. EP

Os densos bancos de néboa que dificultan a visibilidade e condicionan a seguridade dos usuarios obrigaron a manter pechada -durante máis de doce horas- a autovía do Cantábrico (A-8) entre Mondoñedo e Abadín, no Alto do Fiouco.

Segundo informa a Dirección Xeral de Tráfico, a autovía permaneceu pechada ao tráfico, en ambos os sentidos da circulación, desde as 20:40 horas de onte, concretamente entre os puntos quilométrico 536 e 552.

Como vén sendo habitual nestes casos, a Garda Civil estableceu desvíos alternativos pola estrada Nacional 634.

Comentarios