lunes. 20.09.2021 |
El tiempo
lunes. 20.09.2021
El tiempo

A néboa obriga a pechar de novo a A-8 en Mondoñedo

La A-8, cerrada por niebla el pasado mes de julio en la rotonda de Curros, entre O Fiouco y Mondoñedo. J.Mª ALVEZ
A A-8, nunha xornada na que estivo pechada pola néboa. J.Mª ÁLVEZ (ARQUIVO)
A autovía estivo cortada dous días a semana pasada, na que se aplicaron limitacións de velocidade outras tres xornadas

Do mesmo xeito que sucedeu a semana pasada, os densos bancos de néboa que dificultan a visibilidade e condicionan a seguridade dos usuarios obrigaron a cortar a circulación na Autovía do Cantábrico (A-8) ao seu paso por Mondoñedo, no Alto do Fiouco.

Atendendo á información facilitada pola Dirección Xeral de Tráfico (DXT), a autovía quedou cortada de novo este luns —ás 21.14 horas— en ambos os sentidos da circulación, concretamente no tramo comprendido entre os quilómetros 536 e 552, o que coincide co Alto do Fiouco.

A semana pasada a autovía permaneceu pechada ao tráfico durante dous días consecutivos e outros tres con limitacións de velocidade como consecuencia da néboa. Os vehículos tiñan que circular a menos de 60 quilómetros por hora.

Como é habitual, os usuarios da autovía son avisados mediante a correspondente sinalización e os paneis luminosos desa circunstancia. A circulación foi desviada pola estrada Nacional 634, cuxo arranxo volveu a reclamar estes días Mondoñedo, a causa do mal estado no que se atopa o firme e a deficiente sinalización.

Os problemas coa néboa nese punto da Autovía do Cantábrico son recorrentes e, de feito, está en marcha un proxecto do Ministerio de Transportes para a instalación de prototipos sobre o terreo que permitan avanzar en solucións alternativas para superar esta situación.

A néboa obriga a pechar de novo a A-8 en Mondoñedo
comentarios