A velocidade máxima de circulación pola Autovía do Cantábrico (A-8) volveu a quedar limitada a 60 quilómetros por hora entre os municipios de Mondoñedo e Abadín, como consecuencia dos densos bancos de néboa que dificultan a visibilidade e condicionan a seguridade dos propios usuarios.
Deste xeito, a velocidade permanece limitada por terceiro día consecutivo nese tramo da autovía, dado que o mércores estivo activado o nivel de servizo vermello desde este xoves, volve estar activo.
O nivel de servizo vermello quedou restablecido no Alto do Fiouco, entre os quilómetros 536 e 552, ás 19.24 horas deste xoves –día 15 de xullo–, como consecuencia da "visibilidade reducida" nese tramo de autovía.
Aos condutores que transitan por ese tramo avísaselles da limitación mediante os correspondentes paneis luminosos.
Os problemas coa néboa nese punto da Autovía do Cantábrico son recorrentes e, de feito, está en marcha un proxecto de Ministerio de Transportes, Mobilidade e Axenda Urbana para a instalación de prototipos sobre o terreo que permitan avanzar en solucións alternativas para superar esta situación.
