As néboas obrigaron a cortar o tramo que salva Mondoñedo, na Autovía do Cantábrico (A-8), desde este xoves ás nove da noite.
Nese momento, regresaban a casa moitos visitantes que se achegaron, entre outros lugares, á praia ribadense das Catedrais e a outras zonas de interese na Mariña no día festivo polas Letras Galegas e na primeira xornada da ponte.
Nin as balizas instaladas pola Dirección Xeral de Tráfico en sentido Baamonde puideron evitar que se producise este novo peche.
Mentres, o Ministerio de Fomento continúa valorando as propostas ou ideas innovadoras, xa recibidas, coas que espera poder combater os problemas das néboas na infraestrutura.
Os técnicos están a estudalas nestes momentos para analizar a súa viabilidade técnica. Máis adiante verase farase a valoración económica, antes de abrir as plicas a comezos do verán.