Burela recibiu a pasada fin de semana a visita da Asociación Musical Vive la Música de Torrox (Málaga), que foi invitada pola agrupación local Dambara.
O encontro de bandas, bautizado como Música Bonita, cadrou coa celebración da Feira do Bonito a feira Produart en Burela.
A banda malagueña chegou o sábado e participou xunto a Dambara nun acto musical de confraternidade organizado no porto burelense, fronte ao barco-museo boniteiro Raíña do Carmen. A Asociación Musical Vive la Música, composta por medio centenar de membros, interpretou varias pezas, principalmente música de banda e coplas.
A banda, que se aloxou en dous establecementos hostaleiros da localidade, desprazouse o domingo a Foz para actuar no Campo da Cabana. No concerto tamén participaron a banda da localidade, Acordeonistas da Mariña, e a Banda de Música de Laviana.
Finalmente, o luns Dambara organizou visitas guiadas a Sargadelos e As Catedrais co obxectivo de que os integrantes da banda andaluza e os seus acompañantes coñecesen mellor a comarca. Tamén subiron ata
Está previsto que os membros de Dambara viaxen a Torrox nos próximos meses para completar un intercambio de bandas que naceu en 2010 durante unha viaxe a Córdoba.