O Festival Bal y Gay, converteuse nun referente da música clásica en Galicia, e nesta nova edición, dará un paso máis grazas ás novas tecnoloxías. Do 12 ao 24 de agosto celébrase a súa sétima edición na que terán lugar cinco concertos en diferentes localidades de A Mariña, que ademais se poderán ver a través de internet, co fin de fusionar a música coa natureza e o patrimonio artístico da zona.
Organizado pola Fundación XesúsBal y Gay,, e en colaboración coa Fundación Banco Sabadell e outras entidades públicas e privadas, este festival ten como obxectivo fomentar o desenvolvemento da cultura, o pensamento e a arte, ademais de converter a música nun vehículo de cohesión social.
Este ano está cargado de actuacións e actividades para todos os públicos onde participarán músicos de prestixio nacional e internacional. Dentro do cartel recóllense as actuacións da Real Filharmonía de Galicia, o 12 de agosto na Catedral de Mondoñedo; Cosmos Quartet, o 18, na Igrexa de San Francisco de Viveiro; Juan Pérez Floristán no Pazo de Fontao de Foz o 19 de agosto; o Cuarteto Quiroga, ao día seguinte, na Basílica de San Martiño de Foz, e Ensemble Bal y Gay, o 24, no auditorio Municipal de Ribadeo onde se clausurará o festival.
A través de dúas plataformas dixitais, o festival ofrecerá os concertos en 'streaming'. Poderanse ver na páxina web www.festivalbalygay.com na súa canle de Youtube, a partir das dez da mañá do día seguinte ao concerto. A directora do festival, Alba Rodríguez, apunta que con esta iniciativa buscan lograr un maior alcance e que ninguén se perda os concertos "ao ter que reducir o aforamento ao 50% pola Covid-19", explica.
FITO HISTÓRICO. A actuación da Real Filharmonía de Galicia, que inaugura mañá esta nova edición na Catedral de Mondoñedo ás 21.00 horas, suporá un fito dentro do festival, ao ser a primeira vez que soe repertorio sinfónico no evento. Esta orquestra, que está dirixida por Maximino Zumalave, interpretará tres pezas clásicas como son
As entradas para este concerto están están esgotadas, polo que, ademais das plataformas dixitais, poranse varias pantallas o exterior da catedral mindoniense para aquelas persoas que queiran seguir a actuación en directo.