A asociación Mulleres en Igualdade de Burela, Bumei, puxo en marcha desde principios deste mes de xaneiro a segunda edición do programa Enténdote, colle a miña man, financiado pola Secretaría Xeral de Igualdade da Xunta e dirixido a mulleres que se atopan nunha situación de vulnerabilidade.
Os seus obxectivos son promocionar a igualdade de oportunidades entre homes e mulleres, a prevención da violencia de xénero e a atención a mulleres que son vítimas de agresións machistas. Dentro deste programa asesorarase, acompañarase e informarase ás mulleres, daráselles formación específica en diversas áreas ou levaránse a cabo campañas de sensibilización sobre igualdade e violencia de xénero.
Para máis información pódese acudir ao local da asociación, situado nos baixos da Casa do Mar, nos teléfonos 609.83.76.45 ou 683.23.02.20 ou a través do correo [email protected].
