A diferenza de categoría e de estrutura notouse no cuarto amigable dos Pescados Rubén Burela FSF, que dominou de principio a fin ao Castro FSF para imporse por 8-0 na súa estrea esta tempada no pavillón de Vista Alegre.
Salvo o último terzo da primeira parte, cando o Castro FSF atreveuse a saír da cova, o resto dos primeiros minutos foi un monólogo laranxa. Goles de distinta factura, como o primeiro tras un roubo de Cris a pase de Cami, ou o segundo en xogaba combinativa que terminaría mandando á rede Elena. O terceiro, de Lara, foi de cazagoles, dentro da área, nun rexeite. Dany e Bea Mateos lanzaron un balón cada unha ao pau e só Anita e Vero puxeron en aprietos a Jozi no primeiro acto.
Nos primeiros dez minutos da segunda parte houbo empacho de goles. Cinco en dez minutos. Andrea, en propia porta, Elena, Jenny, Ale de Paz e Cris atoparon a rede da portería defendida por Uxía, que foi a mellor sobre a pista no segundo acto. Nos últimos dez minutos, co Castro FSF entregado, o conxunto laranxa pecou de ineficaz de face a porta.
