A Asociación de los Pueblos más Bonitos de España, integrada por un total de 79 localidades de todo o país, entre elas Mondoñedo, aproveita a celebración este martes do seu día para reclamar das administracións públicas "cambios significativos" en áreas como "financiamento local, vantaxes fiscais para que empresas e autónomos se establezan nos nosos pobos, melloras en comunicacións e telecomunicacións e outras para evitar o despoboamento de moitos dos nosos municipios", asevera o presidente da entidade, Francisco Mestre.
O directivo anima a todos os alcaldes a vivir este martes cunha xornada de portas abertas para mostrar o rico patrimonio cultural e arquitectónicos destes municipios. Unha cuestión sobre a que versa o manifesto que se encargará de ler cada un dos alcaldes e alcaldesas, ao termo do izado da bandeira da asociación, que simboliza o orgullo de pertencer a unha entidade, á vez que se aposta pola súa protección. E é que boa parte deles están situados na zona rural, onde ven necesario implantar medidas para poñer en valor a súa riqueza, pero tamén para convertelos nun lugar atractivo para residir. Por iso, a xornada vívese como
O outro municipio galego que forma parte desta entidade é Castro Caldelas. Dous concellos que forman parte dunha prestixiosa lista que arrincou en 2011 con catorce localidades.
Unha presenza á que Mondoñedo suma desde o sábado un cargo como vogal na Red de Ciudades y Territorios Creativos de España, ao ser escollido tras a renovación da directiva realizada na reunión mantida en Montilla (Córdoba). Foi un acto no que se presentou o Plan Estratéxico de Transformación 2020-2024, que se presentará ao Goberno que saia das urnas o próximo 10 de novembro, e é que esta se caracteriza por ser pioneira a nivel mundial no diálogo entre pequenas, medianas e grandes cidades e o mundo rural.
Esta é unha rede que participa en diversos programas europeos e da que forman parte 41 socios.
