Mondoñedo reúnese con madeiristas para programar arranxos en pistas forestais

A alcaldesa de Mondoñedo, Elena Candia, mantivo un encontro con varias empresas forestais para programar os arranxos de pistas forestais que están deterioradas no termo municipal. "Pedímoslles responsabilidade e compromiso para evitar a deterioración que sofren os camiños forestais", asegurou a alcaldesa, aínda que subliñou que no goberno son conscientes "das durísimas condicións climatolóxicas neste último trimestre", que dificultaron o traballo nos montes e provocaron que as pistas sufrisen unha gran deterioración.

Candia recoñeceu que o encontro transcorrera nun ambiente distendido e cordial e avanzou que algúns destes traballos xa están en marcha. "O traballo conxunto e a coordinación na resolución dous problemas sempre foi a mellor maneira de traballar", defendeu.

E é que o problema da deterioración nas pistas forestais é común a todos os municipios e a súa xestión sempre resulta delicada.

ACTUACIÓNS. Desde o equipo de goberno tamén puxeron en marcha un plan de renovación de luminarias no medio rural co obxectivo de mellorar o servizo e reducir o gasto deste tipo de instalacións. Os primeiros traballos realizáronse en Estelo.

A maior parte das administracións locais optan a axudas para cambiar as iluminacións por outros máis eficientes que lles permiten un aforro enerxético que repercute tamén nas arcas municipais.

Tamén no medio rural, o Concello mindoniense puxo en macha o lavado de colectores. Os primeiros puntos nos que se aplicou esta medida foi en Coto de Otero e na parroquia do Carme e ao longo desta semana executarase noutras parroquias do municipio.