A estación de autobuses de Mondoñedo volveu ser obxecto dun acto vandálico durante a noite do domingo ao luns. Non é ningunha situación nova, xa que isto vén repetindo tanto nos últimos meses que desde o goberno municipal tomaron a decisión de iniciar unha serie de medidas para intentar atallar este problema. A primeira delas será a instalación de cámaras de vixilancia.
A alcaldesa de Mondoñedo, Elena
Candia apuntou que se decidiron a facer público o que está a suceder "porque estamos facendo un traballo importante para mellorar a imaxe da cidade e o concello en xeral"
Ademais, a rexedora mostra a súa estrañeza porque a estación de autobuses non se atopa nun lugar particularmente illado, senón que está bastante céntrica, aínda que iso non parece ser un problema para esta xente que se aplica nestes actos vandálicos.
Candia apuntou que se decidiron a facer público o que está a suceder "porque estamos facendo un traballo importante para mellorar a imaxe da cidade e o concello en xeral, pero tamén da estación de autobuses, que agora mesmo xa precisa unha intervención urxente".
Por iso mesmo xa adiantou que "o primeiro que imos facer é colocar as cámaras videovixilancia", pero tamén engadiu que adoptarán outras medidas "que nos axudarán a salvagardar o patrimonio público, porque non pode ser que pase o que está a pasar alí con esta frecuencia. O vandalismo temos que erradicalo entre todos".
Desde o goberno municipal tomaron a decisión de iniciar unha serie de medidas. A primeira delas será a instalación de cámaras de vixilancia
Ante esta situación a alcaldesa de Mondoñedo pide "respecto e responsabilidade porque o diñeiro público que temos que gastar alí é de todos e cada vez que alguén rompe un cristal, ocasiona un importante custo económico para as arcas municipais que supón que non podemos empregalo noutras prioridades que ten a administración local. Polo
