Mondoñedo adxudica a Iberdrola a instalación de recarga de coches eléctricos

O Concello Mondoñedo adxudicou á empresa Iberdrola a concesión da instalación dos puntos de recarga para coches eléctricos en bens de dominio e uso público local.

O prazo de execución roldará as 26 semanas, pouco máis de seis meses, aínda que desde o Concello aclaran que estes prazos son orientativos e que os tempos estimados poderían acurtarse, incluso notablemente, ou alargarse.

A aposta por Iberdrola ten que ver coa experiencia acumulada por esta empresa na implantación "con éxito" de varios centos de puntos de recarga similares aos de Mondoñedo en todo o territorio nacional.

Iberdrola contará para realizar este traballo cos mellores especialistas na materia e contratistas cualificados tanto para as áreas de enxeñería como de instalación, con experiencia demostrada.