A donostiarra Arancha González Laya, ministra de Asuntos Exteriores, Unión Europea e Cooperación, gozou dunha cea no restaurante Porto de Rinlo na que non faltou o famoso bogavante que serven Iván Lombardía e Enma. O porto ribadense e a súa gastronomía atraen un verán máis a numerosos viaxeiros, algúns deles moi coñecidos.
Entre os rostros populares que este verán se achegaron durante as súas vacacións á Mariña lucense atópase a actriz Ester Expósito, coñecida pola súa interpretación na serie Élite, que se trasladou a Viveiro para pasar uns días xunto á súa familia, xa que tanto a súa nai como a súa avoa son naturais da cidade.
Tamén a xornalista do corazón María Patiño foi vista este mes de agosto en Viveiro , gozando da praia de Area, unha das predilectas de veciños e visitantes, ademais de ser das máis bonitas e espectaculares.