A Mariña lucense e as Rías Baixas atoparanse este mércores en alerta amarela por ondas de ata cinco metros de altura, segundo consta no boletín de avisos publicado por Meteogalicia. A borrasca localizada no Atlántico norte deixará mar de fondo en todo o litoral galego.
O maior perigo, polo tamaño das ondas, vivirase na costa coruñesa, onde alcanzarán os seis metros. De feito, o aviso será amarelo á primeira hora na Costa da Morte e o noroeste da provincia, tras o que pasará a nivel laranxa.
Pola súa banda, na Mariña luguesa e nas Rías Baixas manterase amarelo toda a xornada deste mércores.
PREVISIÓN. En canto ás temperaturas, non se esperan grandes cambios na xornada deste mércores. Galicia segue baixo a influencia das borrascas atlánticas, polo que persisten os ceos nubrados con chuvascos, localmente tormentosos e ocasionalmente acompañados de saraiba.
A cota de neve situarase na segunda metade do día nos 1.200 metros.
Nas grandes urbes galegas, os valores máis baixos rexistraranse en Lugo, onde os termómetros caerán ata
