Bombeiros e veciños de Foz interviñeron na madrugada do domingo ao luns para sufocar as chamas que afectaron a varios colectores na Praza de Rosalía de Castro.
O lume, que se iniciou ao redor das cinco da madrugada preto de Campo da Cabana, tamén afectou a un coche estacionado cerca e a unha árbore, ademais de provocar que rebentasen os cristais dunha casa situada enfronte. Os veciños sospeitan que foi intencionado.
"Case se arma a de Deus", di un dos residentes na zona. Os danos son considerables, pero aínda teñen que ser avaliados polos afectados.