O Grupo El Progreso completa este sábado os actos programados con ocasión do centenario do semanario ribadense La Comarca del Eo, que forma parte deste conglomerado empresarial. Faino coa publicación de un libro especial no que se fai un repaso a fondo dos cen anos de vida deste semanario desde que o fundase en 1919 Francisco Lanza.
O libro non só vai realizando un repaso histórico do propio semanario, senón que presenta moitas máis notas interesantes como análises da prensa comarcal histórica e incluso doutro dous semanario centenarios, El Heraldo de Viveiro e La Voz de Ortigueira, ou da vida na localidade.
Non faltan as colaboracións, que nesta ocasión se dividiron en dous grupos ben diferenciados. Por unha banda, aparecen artigos que se escribiron expresamente para a ocasión pero tamén outros recompilados polo seu interese histórico, cultural ou social. Todo iso está acompañado dun impresionante despregamento fotográfico sobre todo de carácter histórico tanto propio como achegado polo colaborador gráfico do semanario por excelencia: Foto Miguel.
Os subscritores de La Comarca del Eo en Ribadeo recibirán o libro na súa casa, mentres que os que o reciban por correo poden solicitalo e enviaráselles gratuitamente a través dun envío postal. Os que sexan compradores en quiosco poden retirar alí o libro, elaborado polo equipo que realiza o semanario: Javier Rivera, Nacho Fouz e Pablo Villapol.
