O adestrador galego Juanma Marrube pechou este mércores a súa etapa no Pescados Rubén Burela coa conciencia tranquila ao sentir que se marcha coa sensación do "deber cumprido".
O Mariskal puxo "fin a 1.200 días" á fronte do equipo da Primeira División Masculina, ao que dirixiu as últimas tres tempadas e media.
🎙️ 𝗥𝘂𝗲𝗱𝗮 𝗱𝗲 𝗽𝗿𝗲𝗻𝘀𝗮 | El Mariskal se despide del @burelafs dando las gracias a todos los estamentos de la entidad 𝟭.𝟮𝟬𝟬 días después de tomar el mando de la nave.
🗣️ @juanmamarrube: "Ha sido un reto bonito, me voy con el deber cumplido".
Gracias🧡 pic.twitter.com/jAn88FY2vX— Pescados Rubén Burela FS (@burelafs) February 24, 2021
Marrube marchou con palabras de agradecemento ao club, que decidiu buscar un cambio no equipo masculino, á afección e aos xogadores, de quen dixo que "todos axudaron a transformar" ao Burela.
Tamén acordouse dos empregados do Burela e dos que integraron o corpo técnico, así como das categorías inferiores. "Voume coa satisfacción de transformar un equipo, uns xogadores en algo máis que iso, de ter unha visión para o club e conseguila; coa satisfacción e a tranquilidade do deber cumprido", sostivo.
Asegurou que "o máis importante é o que deixas e iso significa deixalo en mellor lugar do que o atopaches", afirmou o técnico, quen considerou que afrontou un "reto bonito" en Burela.
"Sempre estiven moi orgulloso de relacionar palabras con comportamentos, moi orgulloso de pór rumbo e dirección, moi orgulloso de crear, manter e cumprir obxectivos. Os feitos para min son realidades. Foron 1200 días da miña vida de autenticidade, claridade, disciplina e coherencia", declarou.
Marrube tamén sinalou que "a viaxe continúa" e asegurou que "cando tes un porqué sopórtase calquera como".
