Os xabarís volveron causar este mércores outro accidente nas vías lucenses. Nesta ocasión, o choque produciuse na LU-162, en Foz, e saldouse sen danos persoais.
O suceso produciuse ás 20.00 horas na recta entre Cagas e Ferreira, a altura da parroquia focense de Cordido. Segundo informou Protección Civil, catro xabarís atravesaron a vía e a condutora do vehículo sinistrado impactou contra o último deles.
Ademais de Protección Civil, ata o lugar desprazáronse efectivos do subsector de Tráfico da Garda Civil.
