A Garda Civil imputou como investigado por un suposto delito de roubo a un veciño de Lugo, de 23 anos, sospeitoso de terse levado 33 baterías de vehículos do Punto Limpo de Ribadeo.
Segundo informou a propia Garda Civil, o sospeitoso tamén se levou uns 100 quilogramos de metal, tras saltar o valo que protexe o perímetro do Punto Limpo de Ribadeo os días 21 e 24 de agosto.
A persoa investigada xa foi posta a disposición xudicial.
ROUBO DUNHA BICICLETA. Así mesmo, a Garda Civil imputou a dous veciños de Foz, de 21 e 22 anos, como supostos autores do furto dunha bicicleta valorada en 1.000 euros.
Ambos foron postos tamén a disposición da autoridade xudicial.
