Axentes da Garda Civil de Tráfico interceptaron este venres pola tarde, logo das cinco, un vehículo que circulaba en sentido contrario pola Autovía do Cantábrico (A-8), en dirección a Ribadeo, e sobre cuxa presenza alertaron varios condutores que se cruzaron con el. Un matrimonio maior viaxaba neste automóbil, que acabou accidentándose contra outro turismo.
Os feitos ocorreron na autovía entre os municipios de Lourenzá e Barreiros, razón pola que a Central de Urxencias do 112 Galicia comunicou a incidencia a Protección Civil deste municipio, pero finalmente non foi necesaria a súa intervención. Non é a primeira vez que acodes maiores despístanse nas rotondas de acceso á A-8.