Un incendio orixinado ás seis e media da mañá deste venres queimou cartóns acumulados na nave da antiga conserveira de O Caolín, no municipio de O Vicedo. O foco orixinouse supostamente ao prendelo un indixente que se acubillaba en devandito lugar e ao que se lle foi das mans o lume.
A patrulla da Garda Civil vicedense foi a que deu a voz de alarma ao percibir que do recinto saía fume ao aproximarse. Os bombeiros do parque comarcal de Viveiro empregaron seis horas na extinción do incendio, debido a que había cartóns prensados, que tiveron que desfacer para asegurarse da completa extinción e despois arrefriar ben o lugar. Tamén acudiu ata ese punto Protección Civil do Vicedo.
