O lume declarado cara ás dúas da tarde deste venres na cheminea dunha vivenda unifamiliar do lugar de Agueira, no concello de Alfoz, causou danos no faiado e na cociña da casa.
Os bombeiros do parque comarcal de Barreiros desprazáronse ata a zona para sufocar o incendio, realizando labores de arrefriado da madeira do faiado e tamén no conduto da cheminea para que o lume non se expandise.
Por precaución tamén cortaron as subministracións de modo temporal e fixeron comprobacións de temperatura.