Un pequeno incendio orixinado no interior do conduto dunha cheminea da vivenda 101 do lugar do Real, no barrio vivariense de Xunqueira, saldouse este luns sen feridos ao arder unicamente o hollín da saída de fumes.
O lume declarouse pouco antes das sete e media da tarde. Unha dotación do parque comarcal de bombeiros de Viveiro, xunto á Policía Local, desprazouse ata o lugar.
Os bombeiros sufocaron o lume e arrefriaron a zona para que non se reproducise.