Un incendio orixinado no cadro eléctrico dunha torre situada no polígono industrial de Barreiros deixou sen luz a nave do grupo Breogán.
O lume produciuse cara ás once e media da mañá e os bombeiros do parque barreirense actuaron con rapidez ao atoparse a súa base nas inmediacións e chamarlles directamente desde as instalacións empresariais ao estar a comunicar na central do 112.
As dúas dotacións desprazadas á zona desconectaron o cadro do tendido xeral que dá servizo ao parque industrial a fin de evitar máis danos e extinguiron o lume. A raíz do incendio tamén resultou afectado a subministración a outras dúas naves, que quedaron sen enerxía a 380, aínda que tiñan servizo de 220 ao obtelo desde outro punto.
Un retén permaneceu na zona durante hora e media por se houbese algún risco de que desde a central da compañía subministradora de electricidade tratasen de arrincar de xeito automático a instalación, dado que na mesma producíanse chispazos e estalidos. Unha vez que contactaron con Begasa, a empresa desprazou técnicos ata a zona para reparar a avaría o máis axiña posible.