Un veciño de Foz foi investigado pola Garda Civil como suposto responsable dun delito de danos no centro de saúde desa localidade da Mariña. Segundo informou o instituto armado, os feitos sucederon na madrugada do pasado 18 de xuño.
O investigado, un home de 47 anos, tería provocado diversos danos no centro de saúde —na porta de acceso ás caldeiras do edificio— e nunha ambulancia —na porta e no espello do vehículo—. Pasou a disposición xudicial.