A xornada deste domingo, particularmente a mañá, tivo un sabor algo diferente na comarca da Mariña con respecto á do sábado. Aínda que en ambas o confinamento perimetral estaba xa levantado, o certo é que foi o domingo
Dita presenza de xente nas rúas foi máis notable en localidades como Ribadeo ou Foz. En Viveiro houbo tamén máis movemento pola mañá, aínda que este conxelouse moi notablemente xa á primeira hora da tarde, porque o tempo tamén foi peor nesa parte da comarca.
Pero antes foi posible ver de novo numerosos coches aparcados ante algúns dos restaurantes abertos que dispoñen dese servizo.
Tamén algunhas terrazas recobraron por unhas horas o sabor que tiveran e aínda que o tempo non acompañou por completo xa que a temperatura foi bastante baixa, notáronse, en xeral, moitas ganas de saír de novo a gozar das terrazas na medida do posible.
O fluxo de visitantes na praia das Catedrais, aínda que non masivo, foi moi notable para un domingo de febreiro
Mentres a xente facía esta primeira saída, era moi común ver a presenza tanto da Garda Civil como da Policía Local, que durante todos estes días están a realizar un intenso labor de advertencias e educativa. Advertencias para que a xente cumpra as normas e educativa para ensinarlles cales son esas normas e explicando tamén nos locais de hostalería o que teñen que facer para cumprilas.
Un lugar que a pesar de todo o sucedido segue mostrando o seu innegable tirón é a praia ribadense das Catedrais, á que onte favoreceu o horario de mareas. Cara á unha da tarde o seu aparcadoiro principal estaba totalmente cheo. Abaixo, na area, era moita a xente que se achegaba a visitar os seus famosos arcos, aínda que non se produciu ningún tipo de aglomeración e, polo xeral, a xente respectaba os núcleos de persoas cos que se desprazaron ata alí para non amontoarse nos lugares máis fotogénicos.
Con todo, o gran fluxo de visitantes foi moi notable para un domingo de febreiro.