O condutor dun autocargador que se incendiou esta tarde nun monte de Teixeira, pertencente á parroquia focense de Fazouro, resultou ileso, aínda que o vehículo que conducía quedou totalmente calcinado.
O suceso produciuse ao redor das catro e media da tarde cando foron advertidos os servizos de urxencias, entre os que se atopaban bombeiros de Barreiros, GES Cervo, Policía Local e Protección Civil, ademais dun axente, unha brigada e unha motobomba de Medio Rural.
A rápida intervención de todos eles evitou que o lume non alcanzase máis que ao vehículo e á súa carga, ao parecer pacas de biomasa, e á parte do terreo onde estaba o autocargador, pero sen prender no monte.
