Eivissa, berce da festa nocturna e agora en corentena polo virus, será o escenario mañá do debut de Adrián Ben para a tempada ao aire libre. O atleta mariñán correrá os 800 metros lisos no Meeting Toni Bonet, que contará con figuras importantes do atletismo español como Fernando Carro, Ana Peleteiro ou Óscar Husillos, entre outros.
Ben chega en plena pretemporada. Para el, facendo un símil co fútbol, a carreira de mañá é como un partido amigable. "Estamos nun momento de moita carga, de facer moitos quilómetros, de gañar capacidade aeróbica", explica o vivariense, que recoñece que non está no mellor momento "de ningunha maneira; esta proba vaime a servir para abrir o apetito", sinala. Como rivais terá aos españois Eduardo Romero e Enrique
Toda a preparación que realiza Adrián Ben ten como obxectivo chegar no mellor momento posible aos Xogos Olímpicos. "Atópome mellor ao aire libre que en pista cuberta", onde competiu no inverno, di.
Tras a tempada invernal, Ben repartiu os seus adestramentos entre Madrid, Punta Umbría, en Huelva, onde estivo dúas semanas co seu grupo de adestramento, e Viveiro, onde estivo
"O obxectivo é chegar ao campionato de España en boas condicións, porque aí é onde nos xogamos as prazas para ir a Tokio", explica Ben, que ten a mínima para estar nos Xogos Olímpicos nos 800 metros.
Adrián Ben correrá este ano a tempada ao aire libre na distancia de 800 metros "aínda que non descarto facer algún 1.500". Sobre as lesións que tivo a tempada pasada comenta: "Sempre temos algunha dor que imos parcheando, pero nada importante e toquemos madeira", conclúe.
Grandes recordos
O día 28 deste mes, Adrián Ben regresará onde realizou a súa mellor competición da súa curta historia deportiva, a Doha. Correrá o 800 metros na Diamond League. Alí foi sexto no Mundial de atletismo en outubro de 2019, de gran recordo para el.
