martes. 21.09.2021 |
El tiempo
martes. 21.09.2021
El tiempo

A hostalería de Viveiro escenifica o seu funeral ante a "inxustiza" dos peches

Manifestación dos hostaleiros de Viveiro. CLF
A marcha saíu da Praza Maior e concluíu fronte á delegación de Pesca de Celeiro

Os hostaleiros de Viveiro expresaron este martes o seu malestar polas medidas asociadas ao nivel alto de restricións decretado pola Xunta para o municipio —onde non se permite consumir dentro dos locais e só pódese servir en terrazas ao 50%— cunha manifestación que "en tempo récord" logrou un gran apoio e na que quixeron escenificar a morte do sector cun casarío fúnebre que abrían dous vehículos de funeraria.

As asociacións Centro Comercial Histórico (CCH) e Beiras de Viveiro impulsaban esta marcha na que non estiveron nin moito menos sos, senón que a eles sumáronse asociacións de comerciantes e hostaleiros de toda a comarca e da provincia, ademais de provedores, distribuidores, distintos colectivos, o comité de empresa de Alcoa ou a corporación municipal de Viveiro, que aprazou o pleno previsto para este martes en solidariedade con este sector que representa o 50% da economía municipal.

"Todo o mundo está de acordo en que é unha gran inxustiza o que se está facendo co sector da hostalería en Viveiro e non nos van chegar os días de vida para agradecer a cantidade de apoios que recibimos, sendo algo organizado con tan pouco marxe de tempo", apuntaba a xerente do CCH, Isabel Méndez, sobre a participación nunha marcha que saíu da Praza Maior e concluíu fronte á delegación de Pesca de Celeiro, onde un integrante de cada colectivo organizador leu un manifesto.

► A información completa, na edición impresa deste mércores de El Progreso ◄

A hostalería de Viveiro escenifica o seu funeral ante a "inxustiza"...
comentarios