viernes. 27.05.2022 |
El tiempo
viernes. 27.05.2022
El tiempo

Horta de Mondoñedo busca mellorar a través dun proxecto internacional

Candia (izquierda), en una reunión del proyecto, en Portugal. EP
Candia (izquierda), en una reunión del proyecto, en Portugal. EP
Nutrir Galicia, incluído no Campus Terra de Medio Rural, a USC e un instituto politécnico de Viana do Castelo, mellora a formación de persoal e dá valor engadido aos produtos locais

O Concello de Mondoñedo está a participar no proxecto transnacional Nutrir Galicia, incluído no Campus Terra da USC, coa intención de promocionar, mellorar e sacar o máximo partido aos produtos enmarcados na firma Horta de Mondoñedo, á que o goberno municipal quere colocar nunha plataforma que lles axudará a expandirse e a darse a coñecer. A parlamentaria autonómica e tenente de alcalde mindoniense, Elena Candia, atópase moi implicada neste proxecto que, explica, conta a potenciación que achegan a Consellería de Medio Rural, a USC e o instituto politécnico da localidade portuguesa de Viana do Castelo.

A intención é situar a Mondoñedo e os seus produtos hortícolas o mellor posible nun programa como este. Queren que se beneficien de estruturas de I+D+i con recursos humanos "altamente cualificados que poden axudar a catalizar a produción primaria e agroalimentaria, ademais de para articular estratexias de planificación empresarial e de sustentabilidade", segundo explicou o reitor da USC, o barreirense Antonio López.

A vicerreitora de Coordinación do Campus de Lugo, Montserrat Valcárcel, indicou que o proxecto Nutrir Galicia quere "aglutinar sinerxias entre distintas entidades e favorecer tamén a transferencia de coñecemento e de I+D+i desde a Universidade aos territorios e ás súas xentes".

Valcárcel destacou que o proxecto intentará favorecer a transformación do sector primario e do medio rural a través da formación de profesionais que, no caso de Mondoñedo, especializaranse en cuestións vinculadas aos produtos de horta polos que se caracteriza o municipio mariñán.

CAPACIDADES. As capacidades do Campus Terra cos sectores produtivos incluídos na iniciativa Nutrir Galicia terán outros engadidos a potenciar de forma transversal nos ámbitos da nutrición, a educación, a paisaxe ou incluso a posta en valor de opcións en principio pouco practicadas, como poden ser as observacións astronómicas.

Os promotores destacan que todo iso "constata a existencia de moitas oportunidades para fortalecer o desenvolvemento dos territorios a través da transferencia de coñecementos e de novas iniciativas adaptadas a cada lugar".

Horta de Mondoñedo busca mellorar a través dun proxecto internacional
comentarios