Goberno e CCOO son optimistas sobre que o Estatuto para o Consumidor Electrointensivo, con medidas para paliar o impacto do custo da enerxía nas industrias grandes conumidoras de electricidade, poida estar aprobado "en próximas datas" que non especificaron.
Tras a reunión que mantiveron representantes da Federación de Industria do sindicato coa secretaria de Estado de Enerxía, Sara Aagesen, e o secretario xeral de Industria, Raúl Blanco, celebrada ao termo da manifestación que traballadores destas industrias protagonizaron este mércores en Madrid, ambas as partes trasladaban a súa confianza na pronta aprobación desta norma.
Raúl Blanco, que manifestou o "compromiso inequívoco do Goberno de aprobar en próximas datas o Estatuto", explicou que actualmente só faltan tres trámites para que o Consello de Ministros o poida aprobar.
O primeiro é conseguir garantir que a Comisión Europea (CE) non o poida botar para atrás; que dea o seu visto e prace a Comisión Nacional dos Mercados e a Competencia (CNMC), onde a proposta encallou en abril pasado ao observar Competencia que algunhas medidas podían incorrer en axudas de Estado prohibidas pola CE, e para rematar, a súa aprobación polo Consello de Estado.
"Faltan trámites, peros somos optimistas sobre que en próximas datas vai estar todo dispoñible", afirmou Blanco, que recordou que, ademais, o Estatuto do Consumidor Electrointensivo forma parte dos acordos con varios grupos parlamentarios para a investidura de Pedro Sánchez como presidente do Goberno.
Recordou que representantes de CCOO e tamén de UXT e de USO reuníronse este mércores en Madrid con grupos parlamentarios no Congreso dos Deputados, polo que espera que a norma goce tamén de consensos parlamentarios cando vaia ao Congreso logo de ser aprobada polo Consello de Ministros e poidan ser aprobadas as medidas que o Estatuto leva asociadas.
A representación do Goberno central nesa reunión estará encabezada polo secretario xeral de Industria e da Peme -do Ministerio de Industria, Comercio e Turismo-, Raúl Blanco, que estará acompañado polo delegado do Goberno en Galicia, Javier Losada.
Fuentes da Xunta de Galicia informaron a Efe de que o goberno galego estará representado polo conselleiro de Economía, Emprego e Industria, Francisco Conde, mentres que por parte do comité de empresa é segura a presenza na reunión do seu presidente, José Antonio Zan.