O Grupo de Urxencias Supramunicipal (GES) de Cervo preparará durante toda esta noite do martes ao mércores pantallas para doar ao Hospital da Mariña, situado en Burela. Os integrantes do colectivo teñen que adaptar para o persoal sanitario estes equipos, que completan con 60 arneses faciais que lles doaron desde Bidueiro, firma auxiliar de Alcoa.
A este material súmanse 25 traxes de categoría 3 de protección biolóxica doados por Rodabell, outra auxiliar da factoría aluminera. O GES espera poder entregar estes equipos durante a xornada deste mércores e onte fixeron o propio 50 traxes doados por Alcoa, que tamén tiveron como destino o hospital mariñán.
O GES xa entregou hai uns días pantallas ao centro hospitalario tras ceder desde a multinacional Alcoa 140 destes equipos. O responsable do grupo, Mario Antuña, destaca que se trata de materiais difíciles de atopar, que están escasean e resultan moi útiles neste momento.