Axentes da Garda Civil participaron na procura dun veciño de Fazouro, no concello de Foz, que faltou da súa vivenda este domingo.
Desde Protección Civil do municipio indican que recibiron o aviso da Garda Civil solicitando colaboración cara ás sete e media da tarde pero cando ían saír cara ao lugar, na zona coñecida como As Minas, recibiron outra chamada de que xa aparecera e finalmente non interviñeron no operativo.
Esta procura produciuse tres días despois doutra na comarca, xa que o xoves faltou da súa casa na parroquia de Santa María Maior, en Mondoñedo, un veciño de 84 anos que saíra pola mañá e apareceu en bo estado a última hora da tarde na estación de autobuses de Vilalba. Buscárono tres patrullas da Garda Civil e oito voluntarios de Protección Civil.
