O alcalde de Foz, Fran Cajoto, anunciou este martes que o Concello solicitou á Axencia Galega de Desenvolvemento Rural (Agader) no marco do Plan de Mellora de Camiños 2021-2022 a mellora de dous camiños do barrio de Mañente, en Vilaronte.
"O equipo de goberno decidiu centrarse en dous viais moi empregados nesa zona e que serven de conexión do núcleo de Mañente coa estrada autonómica que une Foz e Ferreira e coa provincial LU-P-2004", explicou o alcalde, que avanzou que se renovará o firme con aglomerado en quente de cinco centímetros de espesor e limparanse as marxes. Está previsto que os traballos comecen a principios do próximo ano, "previa aprobación do proxecto por Agader, que financia as actuacións conforme aos proxectos redactados polos técnicos municipais e definidos polo"goberno .
No marco deste plan arrincarán nas próximas semanas as obras de mellora do camiño que une a basílica de San Martiño con Ferreira Vella ata o núcleo de Vilela. "É un camiño que se encontra en moi malas condicións e non que se van limpar as marxes e dispoñer unha capa de rodaxe de aglomerado en quente de cinco centímetros", precisa Cajoto, que indica que a obra dá resposta a unha petición veciñal.