O municipio de Foz foi escenario de dous accidentes de tráfico con xabarís implicados, producidos en apenas unha hora de diferenza e case no mesmo lugar.
Os feitos sucederon na noite do pasado luns, ao redor das nove e dez o primeiro e ás dez e cuarto o segundo, este último na parroquia de San Acisclo, mentres que o primeiro tivo lugar na de Santa Cilla. Dúas localidades limítrofes na estrada LU-152, a que une o concello de Foz con Ferreira do Valadouro e onde tiveron lugar os accidentes.
Os dous sinistros saldáronse unicamente con danos materiais, por fortuna para os ocupantes de ambos os turismos. Nos dous casos, interviñeron os voluntarios da agrupación de Protección Civil de Foz, mobilizados tras as chamadas de urxencia ao 112, e a Garda Civil de Tráfico, encargada de facer os atestados.
No segundo accidente o animal resultou morto, non así no primeiro polo que podería tratarse do mesmo exemplar.
