domingo. 15.12.2019 |
El tiempo
domingo. 15.12.2019
El tiempo

Forzadas cinco casetas da Rapadoira para esnaquizar aveños de praia en Foz

Caseta con desfeitas na praia focense da Rapadoira. J.M. PALEO
Caseta con desfeitas na praia focense da Rapadoira. J.M. PALEO

Algúns dos propietarios afectados sufriran roubos fai un par de anos

Un acto de vandalismo cometido nas casetas da praia de A Rapadoira, en Foz, causou un profundo malestar aos arrendatarios destes trasteiros situados ao fondo do areal, xusto ao pé da estrada xeral. Os titulares manifestaron que os danos afectaron a cinco casetas, que onte pola mañá foron localizadas coas fechaduras das portas rebentadas e con desfeitas do material almacenado no seu interior, como hamacas e perchas.

Os afectados acudiron aos socorristas para denunciar a situación en que atoparan as casetas e os vixiantes do areal pasaron o aviso correspondente á Policía Local, cuxos axentes sinalaban que non quixeran presentar denuncia, aínda que que si expresaron as súas queixas respecto diso. Pénsase que os feitos puideron ocorrer na madrugada do sábado ao domingo pasado.

Algunha das prexudicadas aseguraba nas redes sociais que roubaban, pero só algún dos afectados botou en falta algunha hamaca, o resto unicamente detectou danos nos aveños gardados nos trasteiros da praia emblemática praia focense, polo que afirma que "pagamos o triplo que outros anos". Engadía a desesperación que sentía e que todos os anos pasaba o mesmo.

Os afectados aseguran que cada verán sofren  furtos e desfeita de mobiliario nas casetas

A mesma usuaria manifestaba a súa intención de non continuar alugando o trasteiro, onde asevera que xa sufriu outros actos vandálicos con anterioridade. En concreto, refería que "hai dous anos forzaron e roubaron, esta vez só foi polo mero feito de esnaquizar". Outra veciña cualificaba de vergoña" o ocorrido e relataba que "mean, cagan nas portas e beirarrúas, e nin limpar, nin recoller, nin vixiar nin atender, só cobrar e quitar tras 35 anos de antigüidade", opinaba.

SEN VIXILANCIA. Os usuarios das casetas, que alugan na maioría dos casos por comodidade, posto que lles permite deixar almacenadas as cadeiras, antucas e o resto de material de praia á beira mesmo do areal, solicitan vixilancia na zona, algo ao que entenden que teñen dereito porque pagan polo uso deses espazos. Outra persoa lamentaba que leva dez anos esperando a que lle toque algún deses trasteiros e agregaba que "sabemos que incluso se transfiren sen ter constancia o Concello", ao que tamén reprochan falta de control sobre o botellón na zona.

Forzadas cinco casetas da Rapadoira para esnaquizar aveños de praia...
Comentarios