Cinco persoas resultaron feridas en Lourenzá logo de saírse da vía o vehículo no que viaxaban tras cruzarse na calzada un animal.
O accidente ocorreu uns minutos antes das 12.00 horas deste martes na LU-122, entre o punto quilométrico 32-33, dirección Meira.
Segundo indicou o 112 Galicia, os feridos estaban accesibles. Aínda así, a central deu o aviso aos Bombeiros de Barreiros, aos axentes de Tráfico e aos membros do GES da Pontenova e de Protección civil da localidade.
Tras chegar ao momento e confirmarse que todos estaban accesibles, foron os técnicos sanitarios os que se encargaron da súa evacuación.
