Dous feridos leves é o balance dun accidente de tráfico ocorrido na tarde deste mércores en O Valadouro, ao chocar frontolateralmente un turismo cun camión, á altura do quilómetro 5 da estrada Ferreira-Cangas, a LU-162, que une O Valadouro con Foz.
Os ocupantes do coche son os dous feridos, que foron evacuados ao Hospital Público da Mariña, mentres que o condutor do camión resultou ileso. Axentes da Garda Civil de Tráfico desprazáronse ata a zona para atender o accidente, que tivo lugar pouco logo das cinco e dez da tarde.
