Dous homes, pai e fillo, resultaron feridos á primeira hora da tarde deste luns nun accidente rexistrado na N-640 ao seu paso polo municipio de A Pontenova.
O coche no que viaxaban saíuse da vía e chocou contra o garaxe dunha vivenda en Vilaxe. Os dous homes, veciños do barrio pontenovés de Vilarxubín, foron trasladados conscientes ao hospital de Lugo.
Ata o lugar do suceso desprazáronse Urxencias Médicas, efectivos do GES da Pontenova, a Garda Civil de Tráfico e o servizo de Conservación de Estradas.