Un septuaxenario veciño de San Cibrao, sufriu unha saída de vía este martes, sobre as 09.30 horas, na estrada da costa que une San Cibrao e Burela, á altura do polígono de Cuiña, cerca do tanatorio da localidade cervense.
O condutor, que sofre feridas de gravidade, perdeu o control do seu coche e foise contra un poste de formigón. Tivo que ser excarcerado polos efectivos do Ges de Cervo e os bombeiros de Viveiro, que se trasladaron ata o lugar do accidente, onde tamén acudiu a Garda Civil de Tráfico.
O home, de iniciais J.M.V.S, foi evacuado nunha ambulancia do 061 e trasladada ao Hospital Público da Mariña. O aviso do accidente deuno un particular ao 112 Galicia.