O condutor dun automóbil que se saíu da vía no alto do Castelo, en San Cibrao, resultou ferido de carácter leve. Unha ambulancia de Urxencias Médicas do 061 desprazouse para atendelo no lugar do propio sinistro e avaliar a necesidade dun posible traslado ao Hospital da Mariña, en Burela.
O accidente de circulación produciuse cara ás nove e media da noite do venres, sen que se rexistrasen persoas atrapadas, polo que non foi necesario mobilizar ao GES de Cervo nin aos bombeiros de Viveiro, aínda que si acudiu a Garda Civil de Tráfico para realizar o ateigado.
